PROGRAMA A MANGIPAAY ITI PATAS NGA OPORTUNIDAD ITI PAGTRABAHUAN 

PALAWAG MAIPAPAN ITI PAGALLAGADAN

Maika-1 iti Disiembre, 2021

Agtalinaed ti Oahu Transit Services, Inc. (OTS) a nakakomit iti akemna iti komunidad a serserbianmi ken kadagiti empleadomi. Kas agpatrabaho a mangipaay iti patas nga oportunidad, ikagumaanmi ti maaddaan kadagiti empleado a mangirepresentar iti komunidad a serserbianmi. Awan ti asinoman a tao a mapaidaman iti oportunidad nga agtrabaho maibasar iti puli, kolor iti kudil, relihion, nagtaudan a nasion, seks (karaman ti seksual nga orientasion, identidad ti kinatao, ken ekspresion iti kinatao wenno gender expression), panagsikog ken kaadda ti ag-agalen a sakit gapu iti panagsikog, edad, impormasion maipapan iti genetics, kaadda ti pisikal wenno diperensia iti panagpanunot,  kina-beterano, no biktima iti kinaranggas iti pagtaengan wenno iti seksual a kinaranggas, no naasawaan wenno saan, no naaresto wenno kaadda ti rekord iti korte, desision maipapan iti pakaseknan ti salun-at iti panagsikog, panagpasuso, rekord dagiti utang, partisipasion iti national guard, ken dadduma pay a maipaayan iti proteksion a kasasaad.

Maiyaplikar ti pagallagadan ti OTS’ Equal Employment Opportunity (EEO) iti amin a benneg iti panagpatrabaho, karaman ngem saan a limitado iti panagrekrut, pannakaawat nga agtrabaho, pannakapili iti panagsanay, promosion, pannakayakar, pannakaibaba iti posision, temporario a pannakapasardeng nga agtrabaho wenno layoff, pannakaikkat ti trabaho, no mano ti sueldo wenno dadduma pay a klase ti aw-awaten a ganar wenno kompensasion.

Asino man nga empleado wenno aplikante, babai man wenno lalaki, nga iti panangipagarupna ket nakapadas iti diskriminasion iti panagtrabahona ket addaan iti karbengan a mangidatag iti reklamo iti EEO Officer iti OTS, iti Department of Transportation Services wenno iti Office of Civil Rights ti Federal Transit Administration. Ti panangbales iti indibidual a mangidatag iti reklamo gapu iti diskriminasion, pannakipartisiparna iti pannakaiwayat ti pannakausig ti diskriminasion iti panagtrabaho (kas iti imbestigasion wenno darum), wenno mangaramid kadagiti protektado nga aktibidad  ket nainget nga ipawpawil ti linteg ken saan a maipalubos.

Agtultuloy a nakakomit ti OTS a mangipaay ti maiparbeng nga akomodasion kadagiti aplikante ken empleado a makasapul kadagitoy gapu iti kasasaadda wenno disability wenno nakairuamanda wenno iti wagas ti relihionda, a saan a maparigatan unay.

Kas Presidente ken General Manager ti OTS, agtalinaed kaniak ti amin a responsibilidad ken sungsungbatak iti pannakaipatungpal ti OTS iti EEO Polisia ken Programa. Tapno maisiguro ti inaldaw a pannakaimaneharna, agraman ti pannakaisagan dagiti programa, pannakamoniitor, ken imbestigasion dagiti reklamo, dinutokak ni Letha DeCaires, Director of Civil Rights, letha.decaires@thebus.org, kas OTS’s EEO Officer. Ni Ms. DeCaires ti direkta nga agreport kaniak ken intedko kenkuana ti autoridad iti amin a lebel ti panagmanehar, union dagiti mangmangged, ken empleado.

Numan pay kasta, amin nga ehekutibo ti OTS, dagiti adda iti administrasion ken dagiti superbisor ket responsibilidadda ti tumulong iti pannakaimplementar ken pannakamonitor dagiti Polisia ken Programa ti EEO ken OTS kadagiti masakupanda ken maitedto kadakuada dagiti bukodda a takem tapno maisiguro ti pannakaipatungpalda. Ti OTS ti mangsukimat  iti gapuanan dagiti manager ken superbisor no nagballigida ti implementasion kadagiti pagallagadan ken wagas ti OTS, kasta met iti panangadal met laeng ti OTS iti nagapuananda maipapan iti dadduma pay a panggep ti ahensia.

Nakakomit ti OTS a mangiwayat ken mangbukel ti naisurat nga annuroten iti programa a mangipawil iti diskriminasion a mangituyang kadagiti polisia, kannawidan, ken wagas, a ragpaten iti naituding a tiempo a pagkomitan ti ahensia ken aramiden nga iti EEO a Programa ket madadaan para iti inspeksion iti asino man nga empleado wenno aplikante nga agtrabaho no makiddaw.

Ikumitko a personal iti pagtrabahuan a mangiwayat iti inaldaw a responsibilidadna a mangtrato nga adda dignidad ken dayaw iti amin nga aplikante ken empleado, kasta met ti panagpapada iti babaen ti pagannurotan nga intuyang ti bukodtayo nga EEO Polisia ken Programa.

_____________________________                           ______________________

ROBERT YU                                                             Petsa 

Presidente Ken General Manager